तो कोरोनाच होता
तो कोरोनाच होता
चुकवले अंदाज ज्याने तो कोरोनाच होता.
हुकवले मृत्यूपासून ज्याने तो कोरोनाच होता.
भरडून रोज गुळगुळीत आमुचे जाते
टकवले गिरणीस आमच्या ज्याने तो कोरोनाच होता.
देश जेंव्हा बंद होता बंद होती कमाई
धकवले व्यवहार ज्याने तो कोरोनाच होता.
मागमूसही नव्हता भितीचा जीवाला
ढकलले दाढेत मृत्यूच्या ज्याने तो कोरोनाच होता.
गाव सोडून शहरी रमली होती माणसे
हाकलले शहरातून ज्यांना तो कोरोनाच होता.
बसून घरी आबर चबर खाण्यामूळे
वकवले भडाभडा ज्याने तो कोरोनाच होता
संकटात ही पांघरुन माणूसकीची भरजरी शाल
चकवले आम्हास ज्याने तो कोरोनाच होता.
नेले हिरावून प्रियजणांना आमच्यापासून दूर.
दुखवले रात्रंदिन ज्याने तो कोरोनाच होता.
आॅनलाईन क्लास मधील रटाळ शिकवणे ते
पकवले डोक्यास ज्याने तो कोरोनाच होता.
संतोष सेलूकर
